Die Wildsaugeschichte erzählt von Jägern, die Ende der 1920er-Jahre hinter einer Wildsau (auf Ahnensuche?) her sind …

Und wias aft zsam keman,

stehn’s ganz trauri banand.

Ka Wildsau hams geseha,

das is allerhand.

Aba wer vo die Jaga

dö hets no bald grat'n,

wanns scchö wa ausganga

dö Wildsau tans haben.

Afn stoanina Hoamweg

nächst vo da Abaumühl,

tuat d’Wildsau guat schlaf’n,

das wurd eahm bald z’viel.

Wias d’Jaga hört kemma

springts auf und roast aus,

an Otto füllts 's Gsicht an,         (Gahbauer)

der siagt nimmer aus.

Er kann gar net schiassn,

so staubts vo da Heh,

wia d’Sau rennt an Bam an,

er is voller Schnee.

Da Obamüllner mit da Kugel

is zehn Schritt kaum daneb'n,

aba Teifö, o Teifö,

er kanns eam net geb'n.

Is verhext heut die Büchsn,

is verhext die ganz Sau,

is net zum daschoissn,

dös Luada dös rauh.

A da Hansl wü schoissn,                   (Dickenbauer)

mitn Breitnegger aufs Leben.

Es greift gar nix an,

oda alls geht daneben.

Pfüat di, alte Homat,

pfüat di, schens Leit'n,

denkt si d' Sau vor die Jaga:

Bei enk mag i net bleib'n!

Die vier denkan anders,

probiern ma den Bau,

wann koa Büchsn net angreift:

Wir fangen die Sau!

Jetzt toans nachirenna

bis hin zur Diersböcka Grenz.

Aba d’ Sau lasst sie net fanga.

Himmel Herrschaft, heut „zens“.

Es is gar ka Wunder,

wann gscholn wird und gschimpft,

und gwoant und mirak'lt

vo da grauslinga Gschicht.

Diese Wildsaujagd wird in mehreren Fassungen erzählt, die sich nur geringfügig (meist in der Anzahl der Strophen) voneinander unterscheiden.

Die Schreibweise wurde von den Originaltexten, die den selben Verfasser haben dürften, übernommen.